Холандски полицаец ранет во акција против организиран криминал
Холандски полицаец беше ранет во престрелка за време на координирана европска полициска операција во Мастрихт, јави ДПА.
Во акцијата учествуваа стотици полицајци од Германија и четири други европски држави, при што беа уапсени 13 лица. Германската полиција ја предводеше операцијата, која беше насочена кон објекти во Северна Рајна-Вестфалија, но и во Белгија, Холандија, Полска и Шпанија. Полицијата изврши претреси во 32 станбени и деловни простории.
Според германските органи за борба против организираниот криминал, осомничениот за нападот врз полицаецот во Мастрихт е приведен, а повредениот службеник е во стабилна состојба со лесни повреди.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
