Израелски авиони повторно гранатираа цели во Сирија
Израелски воени авиони изминатата ноќ извршиле околу 40 воздушни напади врз поранешни сириски воени пунктови во околината на Дамаск, јави ДПА.
Сириската опсерваторија за човекови права со седиште во Британија соопшти дека израелската војска уништила неколку цели, вклучително и истражувачки центар северно од Дамаск.
Погодени се 28 локации околу планината Каламун, 90 километри северно од Дамаск. Израелските авиони нападнале и уништиле складиште за оружје, воен аеродром и подземни тунели.
Од соборувањето на претседателот Башар Асад, израелските воздухопловни сили често вршат масовни воздушни напади врз воени цели во Сирија.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
