Сакале да го оженат со сила па... - Босанец направил хаос на својата свадба

Несекојдневна случка доаѓа од босански Сански Мост. Младоженец избегал од венчавката во моментот кога пред матичарот требало да го каже судбоносното „да“.

-Настана општ хаос. Невестата остана со солзи во очите, а по зетот потрча неговиот татко, пцуејќи го и обидувајќи се да го врати пред матичарот, вели еден од сватовите.

Како што пишуваат босанските медиуми, момчето со сила го терале да се ожени со девојка која не ја сакал, а особено на бракот инсистирале неговите родители.

-Тој веќе со години е во врска со друга девојка, а таткото и мајката постојано го наговараа да се ожени со некоја од странство заради „документи“ за подоцна да може да замине од Босна, вели близок роднина на несудениот младоженец.