„Секоја ноќ му се молам на Бога да не отворам очи“ - потресна исповед на мајката чии три деца живи изгореа во пожар

Тага и непребол во семејството Микулчиќ чии деца загинаа во страотен пожар на 17 декември минатата година. Мајкта на 4- годишниот Ненад, 3- годишниот Димитрие и 2 -годишната Маја вели дека  секоја вечер се моли на Бога никогаш повеќе да не се разбуди и да оди кај својте чеда. 

Од тогаш Мирела има само една цел, а тоа е над пепелта од изгорената куќа да направи мала капела.

-Секоја ноќ ги сонувам како стојат на прагот, а најстариот Ненад ме прашува: Мајко, ќе си дојдеш ли дома? јас морам да се вратам овде, овде се ме врзува за нив, а немам каде. Се радував кога ја купивме куќата преку Канцеларијата за бегалци, сметав дека така имаме покрив над главата, а не како што јас морав, кога побегнавме од Хрватска, со родителите да се селам од куќа до куќа, вели Мирела за српски Курир.

Таа истакнала дека преку ден работела по нивите, а ноќе во кафеана и дека не се срамела од тоа, бидејќи го правела за нејзините деца.

-Кога бев на работа, плаќав жена од соседството кој ми ги чуваше бидејќи таткото не се грижеше за сопствените деца… И сега ме боли кога ме осудуваат оние кои не знаат низ што поминав и низ што поминувам сега. Никој не знае како е во мојата душа, рекла Мирела.

Мајката низ солзи во очите се присетува на својте деца која вели дека покрај себе имала три ангели.

-Не се знаеше кој од кого беше попаметен. Бевме сами, но се боревме и договаравме. Велат: “Ги заклучи и си отиде“. Точно е, но јас со децата се договарав… Се случуваше да отрчам до продавница, но пред тоа се договаравме да не фаќаат ништо и да ме чекаат. Така правевме. Беа паметни и разумни, а посебно најстариот Ненад. Верувајте, поинаку не можевме, вели Мирела и додава дека и други родители ги оставаат своите деца понекогаш на кратко.

Таа  додава, дека да знаела дека тоа ќе се случело никогаш немала да излезе од дома.