Крајната цел е да се стиши секој слободномислечки Македонец, со што сакањето на државата треба да стане демоде

Крајна цел на сето ова не е само ВМРО, не сум само јас, крајна цел е да се сузбие секој слободномислечки Македонец, кој се грижи за својата држава, го сака својот народ, го сака својот идентитет, јазик име, изјави лидерот на ВМРО-ДПМНЕ Никола Груевски во своето вечерашно гостување на Алфа телевизија.

-Преку разни механизми се делува сакањето на државата да стане демоде, а модерно да стане на пример геј браковите, посвојување на деца од хомосексуални бракови, тоа да е модерно, а некој ако си ја сака државата, или идентитетот, или името, или јазикот, тоа да е демоде, рече Груевски.