ДИК ги одби приговорите на БЕСА и Алијансата на Албанците
Државната изборна комисија денеска ги одби сите приговорите поднесени од БЕСА за вториот изборен круг од локалните избори.
Како што изјави за МИА портпаролот на ДИК Љупка Гугучевска, од вкупно 89 приговори поднесени од БЕСА, одбиени се 88, а еден приговор е повлечен од партијата. На барање на БЕСА 84 приговори биле разгледани како еден бидејќи имаат исти наводи и се однесуваат на општина Чаир.
Членовите на ДИК, исто така, отфрлија и шест приговори, од вкупно 13 поднесени од Алијансата за Албанците за гласањето во Струга.
ДИК, по приемот на приговорите е должна во рок од 48 часа да донесе одлука по нив. Против одлуката на ДИК, подносителот на листата може да поднесе тужба до Управниот суд во рок од 24 часа од приемот на решението. Управиот суд на Република Македонија, пак, по жалбата е должен да донесе одлука во рок од 48 часа по нејзиниот прием. Одлуките на Управниот суд се конечни.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
