Тече рокот за жалби до Управниот суд по одбиените приговори на ДИК
Државната изборна комисија ги одби сите приговори за вториот круг од локалните избори, а против одлуката на ДИК, подносителите на листите имаат можност да достават тужба до Управниот суд во рок од 24 часа од приемот на решението.
Управниот суд е должен по жалбата да донесе одлука во рок од 48 часа по нејзиниот прием. ДИК вчера на седница ги разгледа и ги отфрли сите приговори поднесени на постапката за гласање, сумирање и утврдување на резултатите од вториот круг на локалните избори.
Од вкупно 89 приговори поднесени од БЕСА, одбиени се 88, а еден приговор е повлечен од партијата. На барање на БЕСА, 84 приговори биле разгледани како еден бидејќи имале исти наводи и се однесувале на општина Чаир.
Отфрлени се сите 13 приговори поднесени од Алијансата за Албанците за гласањето во Струга, како и приговорот од НДМ. Приговорите на БЕСА и на Алијансата за Албанците, ДИК се отфрлени како неосновани, додека приговорот на НДМ е отфрлен како неуреден.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
