Заев и Царовска: Зголемувањето на минималната плата, позитивен предуслов за раст на пензиите

На средбата, се разговараше за целокупниот економски раст на државата, зголемувањето на платите во државата и претстојните планови и мерки за раст на пензиите, како и за други прашања од аспект на стандардот на живеењето на овие наши граѓани. 

Премиерот Заев и министерката Царовска ги информираа претставниците на Сојузот на здруженијата на пензионерите дека се остваруваат условите за пораст на пензиите врз основа на стабилизираниот пензиски систем, најавеното ново зголемување на минималната плата, континуираниот раст на просечната плата, како и врз основа на вкупниот економски раст во земјата.

Сите овие фактори се позитивни предуслови за раст на пензиите.

На средбата во канцеларијата на претседателот на Владата на Македонија стана збор и за другите прашања од интерес на пензионерите  и згрижување за што во наредниот период се предвидени решенија.