Специјалец сакал да се збогати: Имал нелегална пумпа и продавал поевтино гориво од државата

Припадникот на специјалната воена единица на Хрватска е приведен поради сомнеж дека нелегално препродавал гориво во Сплит.

Тој продавал гориво пред семејната куќа, а во дворот имал резервоар од 2.000 литри со илегална пумпа, а горивото чинело за 20 отсто поевтино отколку што го продава државата.

Истрагата за случајот ја почнала воената полиција, а потоа се активирала и локалната полиција која го уапсила.

„Дневник.хр“ објави дека истрагата треба да покаже дали имал помошник и како го собрал горивото кое го продавал по пониска цена од пазарната.