Приведена, па ослободена руската новинарка Дарија Асламова

Институциите во Приштина ја ослободија притворената новинарка на „Комсомолска Правда“, Дарија Асламова, која синоќа беше однесена на Косово и Метохија, пишува весникот.

„ Дарија Асламова ја контактираше нашата редакција и рече дека е во градот Рашка. Ноќта на 7 август косовските власти ја ослободија откако беше приведена, а потоа сама патуваше со автобус“, пишува весникот.

Таа стапила во контакт со руската амбасада во Србија. Асламова синоќа беше приведена на Косово, а според началникот на Министерството за внатрешни работи Џелаља Свечља, таа била осомничена дека шпионирала во корист на руските разузнавачки служби.

Според РИА Новости, Свечља не дал никакви докази за овие тврдења.

„Комсомолска правда“ објаснува дека Асламова била во Србија по налог на уредникот и дека требало да подготви посебен извештај за последната ескалација на тензиите меѓу Белград и Приштина.