Перински: Можноста за отповикување ќе важи за идните градоначалници

Измените на Законот за локална самоуправа треба да бидат донесени до претстојното лето, а новите одредби во него, меѓу кои главната е можноста за референдумско отповикување на градоначалник, ќе важи за оние што ќе бидат избрани на оваа функција на локалните избори кои треба да се одржат во октомври/ноември годинава рече министерот за локална самоуправа Златко Перински пред денешната консултативна средба во врска со измените на Законот.

Одговарајќи на новинарско прашање, дали ако измените на Законот се усвојат до лето, има планови за покренување иницијатива за отповикување на некој од актуелните градоначалници, Перински рече оти е невозможно законот да важи ретроградно.