СДСМ: До каде е проширувањето на истрагата за Кочани со актуелни функционери и службеници?

Поминуваат тешки денови од страшната трагедија во Кочани, во која згаснаа 59 животи, а скоро 200 млади беа повредени.  Додека Македонија сè уште тагува, досега истрагата се води селективно, oбвинува опозициската СДСМ.

Оттаму прашуваат: Зошто никој од актуелните функционери кои биле на должност и функција кога се случи страшната трагедија не се опфатени во истрагата?

-До каде е истрагата? До каде е најавеното проширување на истрагата со актуелни функционери и службеници? Молкот на институциите е загрижувачки.  Истрагата мора да одговори за тоа:  Кој е одговорен што се случил пожарот кобната ноќ кој однесе толку жртви? Кој е одговорен за пропустите на МВР, БЈБ, ДПИ, УЈП непосредно пред и за време на настанот? Одговори и одговорност наместо селективност, велат од СДСМ.

Обврска на државата, според СДСМ е да ја каже вистината, да обезбеди правда за жртвите и нивните семејства и да спречи ваква катастрофа да се повтори.

-Секој кој затаил и прекршил закон, мора да одговара. Без разлика на функцијата. Без калкулации. Без селективност, без заштита, буквално секој, се вели во допиост.