Урсула фон дер Лајен: Западен Балкан повторно оди напред
Претседателката на Европската комисија, Урсула фон дер Лајен, денеска пред Самитот ЕУ-Западен Балкан во Тирана истакна дека напредокот повторно е видлив во тој регион.
Фон дер Лајен во изјава за новинарите рече дека денешната средба ќе биде интересна, бидејќи станува збор за практичен напредок на регион кој е важен за ЕУ.
„Првата тема ќе биде енергетската безбедност, а ние воспоставивме енергетски пакет. Тој предвидува 500 милиони евра што ќе ги добијат земјите од Западен Балкан за помош на нивните буџети и економија и 500 милиони евра за инвестирање во обновливите извори на енергија, енергијата на иднината“, нагласи Фон дер Лајен.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
