Ужас близу Ниш: Новороденче пронајдено во контејнер
Новороденче е пронајдено во контејнер во селото Малошиште кај Дољевац. Плачот на бебенцето го чул минувач којшто ја алармирал Итната помош, јавува Република. рс.
Педијатарот во Домот за здравје, Милош Богословиќ вели дека 16 години е лекар и ова е една од најпотресните ситуации со кои се соочил бидејќи е татко на две деца
Од полициската управа во Ниш за „Танјуг“ потврдија дека бебето е во стабилна состојба.
Педијатарот рече дека бебето е здраво, тешко 2.950 грама, а станува збор за девојче.
Неофицијално, според пишувањата на дел од српските медиуми, мајката го фрлила новороденчето во контејнерот, и е пронајдена.
Се истражуваат сите околности на овој настан, а известено е и Основното јавно обвинителство Ниш, јавуваат српските медиуми.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
