Видео од страшната несреќа на патот Кочани – Штип: Едниот автомобил целосно изгорен, две лица загинаа
Две лица загинаа во тешка сообраќајна несреќа што попладнево околу 14 часот се случи на експресниот пат Кочани – Штип, кај подвозникот кон селото Тркање.
Од СВР – Штип информираа дека во несреќата учествувале две патнички возила со кочански регистарски таблички. Од здобиените повреди двајцата возачи починале на местото на несреќата.
Според првичните сознанија од терен, во сообраќајната несреќа дошло до директен судир на патнички автомобили фолксваген и пежо, при што кај едното возилоизбувнал пожар и тоа целосно изгорело.
На терен е екипа од Територијалната противпожарна единица од Кочани, а увид на местото на несреќата прави екипа од Полициската станица во Кочани.
Радио Кочани објави видео од страшната сообраќајка.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
