ВРЕДИ: Пропадна планот за дестабилизација на тројката Левица-СДСМ-ДУИ, владејачкото мнозинство е стабилно

Пропадна планот за дестабилизација на тројката Левица-СДСМ-ДУИ. Синоќа, со големата поддршка која ја доби претседателот на Собранието, Африм Гаши, уште еднаш се докажа дека владејачкото мнозинство е стабилно и нема никакви знаци на колебање, велат од коалицијата Влен по вчерашната интерпелација.

„Оваа интерпелација го изнесе на површина и новиот коалиционен блок за дестабилизација на државата, Левица-СДСМ-ДУИ. Всушност, Левица е само врвот на ледениот брег и портпарол на еден поголем проект на оваа тројка, кој има за цел дестабилизација на државата. Како што и самите претходно изјавија, а сега веќе и се докажува на дело, иницијативата за интерпелација, со толку меѓуетничка и меѓурелигиска говорна омраза, зборува за координација и соработка меѓу оваа тројка во плановите за дестабилизација и предизвикување на тензии, зошто да не и меѓуетнички инциденти во Северна Македонија“, велат од Влен.

Додаваат дека оваа интерпелација беше уште една причина за хомогенизација на коалицијата Влен, но и на владејачката коалиција, докажувајќи стабилност и цврстина наспроти мрачните планови кои се кројат во, како што велат, анти-НАТО и анти-ЕУ кујните.