Битиќи демантира дека ја напушта СДСМ: Цврсто стојам на патот на социјалдемократијата!

„Ги повикувам медиумите како и политичките субјекти да не шпекулираат и да не објавуваат вести од типот на„неофицијално дознава... “, пишува на својот ФБ профил Фатмир Битиќи, потпретседател на СДСМ и вицепремиер на Владата на Република Северна Македонија.

Понатаму, во својата објава, Битиќи пишува дека неговото членство во СДСМ и улогата на потпретседател се вкоренети во вредностите за кои тој стои и ги споделува со своите сопартијци.

Оваа реакција на Битиќи доаѓа по објавените текстови на некои медиуми кои објавија вести дека Битиќи наводно преминува во ВЛЕН, како и неговото настапување во собранието како независен пратеник.

„Како пратеник достојно ќе ги претставувам сите кои гласаа за нашата коалиција, а останувам и сојузник на сите кои се за искрени внатре-партиски реформи. Заедно со моите сопартијци ќе ги донесеме тие промени. Тука сум, не одам никаде, цврсто стојам на патот на социјалдемократијата!,“ порачува Битиќи.