Брнабиќ: Животот на Вучиќ е загрозен поради неговата борба за владеење на правото, против мафијата и организираниот криминал

Српската премиерка Ана Брнабиќ вели дека Србија е безбедна земја и оти за тоа сведочи добивањето информации од Европол за подготовката на атентатот на претседателот Александар Вучиќ.

Одговарајќи на новинарско прашање во Брисел рече дека Србија е просперитетна земја во која претседателот се бори да постојат силни институции.

-Неговиот живот е загрозен бидејќи се бореше за владеење на правото и затоа што почна борба против мафијата и организираниот криминал, рече Брнабиќ.

Оцени дека Србија не би била безбедна доколку не постои соработка со службените низ светот.

-Апсолутно сме безбедна земја, токму поради меѓународната соработка. Само така сме безбедни рече премиерката.

Додаде и дека референдумот за уставните промени го истуркала Српската напредна партија.

-Не добивме поддршка за тоа од цивилното општество, кое секојдневно зборува дека се бори за независно судство, а кога дојде денот да кажеме „да“, тие кажаа „не“, кажа Брнабиќ.

Кажа дека копањето литиум не била тема денес во Брисел.