Црна Гора: Можно е затворање на рестораните поради високиот број на новозаразени од Ковид-19

Поради зголемениот број на заразени лица од коронавирус, Министерството за здравство и Институтот за јавно здравје на Црна Гора ќе и предложат на Владата поостри ревидирани мерки во борбата против коронавирусот.

Според црногорските медиуми, новите мерки вклучуваат затворање на ресторани, кафулиња и задолжителен тест за влез во Црна Гора.

Според соопштението на Министерството за здравство на земјата, веќе во среда треба да започне поинаква организација на работата во здравствениот систем.

За потсетување, во Црна Гора од понеделник до вторник се регистрирани 1.120 нови случаи на заразени со Ковид-19.