Девет загинати во пожар во старечки дом во Бугарија
Девет лица загинаа во пожар што зафати старечки дом во источниот бугарски град Ројак, изјави висок претставник на Министерството за внатрешни работи.
Пожарот што избувна на дрвениот покрив на зградата е изгаснат, а домот за стари лица во кој живееја 58 лица е евакуиран, изјави Тихомир Тотев, раководител на регионалната канцеларија за противпожарна заштита.
„Кога шесте противпожарни возила стигнаа до домот, покривот беше зафатен со силен пламен и црн чад. Пожарникарите почнаа да ги евакуираат жителите на домот, но за жал животот го загубија девет лица“, рече Тотев.
Причината за пожарот се истражува, додаде тој.
(МАКФАКС)
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
