Француско МНР: Многу сме загрижени за тензиите на северот на Косово

Француското Министерство за надворешни работи соопшти дека Франција е „многу загрижена“ поради порастот на тензиите на северот на Косово и остро го осудува секое насилство на теренот.

„Франција е многу загрижена за ситуацијата во северно Косово и најостро го осудува неприфатливиот напад врз мисијата ЕУЛЕКС на Косово и сите акти на насилство на теренот. Ги повикува страните да покажат најголема воздржаност и чувство на одговорност за намалување на тензиите“, се наведува во соопштението.

Франција целосно го поддржува европското посредување, кое мора да постигне напредок во сеопфатниот, правно обврзувачки договор меѓу Србија и Косово и да напредува во изгледите на двете земји за иднината во Европа. Таа силно ги охрабрува двете страни повторно да се вклучат во дијалогот што го олеснува ЕУ.

Министерката за Европа и надворешни работи за ова прашање ќе разговара со нејзините европски колеги на состанокот на министрите за надворешни работи на Советот на Европската унија.