„Голф“ излета од пат, тројца повредени
Три лица се повредени откако „голф“ излета од пат во велешко.
Вчера околу 15.50 часот во СВР Велес било пријавено дека на експресниот пат Дреново–Градско, во близина на приклучокот за автопатот Градско-Велес, патничко возило „фолксваген голф“ со прилепски регистарски ознаки, управувано од М.А.(74) од Прилеп, излетало од коловозот. Во несреќата со тешки телесни повреди се здобила сопатничката Љ.А.(70) од Прилеп, додека со телесни повреди се здобил возачот и другиот сопатник Ц.Б.(65) од Прилеп, констатирани во Општата болница во Велес, соопштија од полицијата.
Извршен бил увид од увидна екипа на СВР Велес.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
