Хрватите од денеска патуваат без виза во САД
Хрватска стана полноправен партнер во програмата на САД за укинување на визи, со што на граѓаните им се овозможува без виза да патуваат во САД, потврди претставникот на американската амбасада во Загреб, Марк Флеминг.
Флеминг истакна дека на влезот на Хрватска во оваа програма и претходело исполнување на строги критериуми.
– Хрватска стана 40-ти учесник во програмата за укинување на визите во САД, исклучиво со исполнување на строгите критериуми за влез во програмата. Влезот на Хрватска во овој ексклузивен клуб е резултат на напорна работа, експертиза и ефективни напори на хрватската влада да ги исполни барањата од оваа програма, напиша Флеминг на Твитер.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
