Курти: Ако Србија го нападне Косово, нема да реагираме како држава, туку како албански народ

Премиерот на Косово, Албин Курти зборуваше претходно дека границата меѓу Косово и Албанија била претходно наметната од страна на Србија и Југославија.

Курти вели дека тоа не е граница на албанскиот народ и порача дека ако Белград ја нападне Приштина, тие ќе реагираат како албански народ.

„Границата не е наша. А кога Србија ќе го нападне Косово, ние не реагираме само како Косово, туку како албански народ. Сакаме соработка со Албанија. Проблемот е кога Белград ќе стане и ќе сака да ги поткопа нашите институции, тогаш природно сакаме да бидеме силни“, кажа Курти за грчки „Катимерини“.