Во вториот круг од гласањето преку 12.000 неважечки ливчиња
Вкупно 12.284 неважечки гласачки ливчиња утврдила Државната изборна комисија по преброени 100 проценти од гласовите во вчерашниот втор круг од локалните избори.
Вкупниот број на важечки гласачки ливчиња во вториот круг од изборите изнесува 420.584. Од вкупно 833.716 избирачи кои можеа да гласаат во вториот круг, избирачкото право вчера го искористија 432.866 или 51,92 отсто од вкупно запишаните избирачи во Единствениот избирачки список.
Со тоа на овие локални избори вкупниот број на неважечки гласачки ливчиња изнесува 57.465, а бројот на важечки 1.448.622 ливчиња.
На претходните локални избори во 2013 година имаше 40.289 неважечки ливчиња, додека на последните парламентарни избори во декември минатата година евидентирани беа 38.712 неважечки ливчиња.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
