Најстарите во Србија се најзагрозени, состојбата со коронавирусот не се смирува
Во епидемиолошката статистика за коронавирусот во Србија и февруари почна со високи бројки. Метежот со амбулантните возила и на ковид-оделенијата не стивнува. Расте и бројот на новозаразени пациенти на кои им е потребен респиратор и болничко лекување, но се зголемува и бројот на починати, анализираат српските медиуми. Според нив, најзагрозени се најстарите граѓани.
И покрај големиот број заразени со високопреносливиот сој омикрон, европските земји една по една ги менуваат правилата. Причина за ваквите одлуки е малиот број лица што завршуваат во болница.
По Холандија, Велика Британија, Ирска и Данска, и Норвешка ги укинува повеќето мерки, освен маската и растојанието.
Во Србија, пак, бројот на заразени од коронавирусот секојдневно расте, а капацитетот на црвените зони во болниците во Србија е од 70 до 90 отсто, предупреди денеска државниот секретар во Министерството за здравство, Предраг Саздановиќ, и најави дека набргу ќе биде донесена одлука за четврта доза вакцина против коронавирусот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
