Сестрата на Фросина неутешна: "Наместо топла прегратка ми остана студениот допир на стакло"
"Дади моја! Наместо топлината на твоите прегратки ми остана само студениот допир на стаклото. Вака изгледа неправдата". Ова на Фејсбук го напиша сестрата на Фросина Кулакова, Росица Кулакова.
Таа вчера испрати апел до медиумите, институциите и целата јавност, да не се пренесува пресот на адвокатот на Васил Јованов кој ја прегази нејзината сестра на пешачки премин кај Силбо, на Партизански Одреди.
- Добивме дојава дека адвокатот на Васил, Сашо Дукоски на утрешната пресконференција има во план да прикаже видео во кое Васо вришти над мртвото тело на мојата сестра! Познавајќи го неговото минато и адвокатски стил, јасна е целта на Дукоски: да го очовечи убиецот на сестра ми, напиша на социјалните мрежи сестрата на 22-годишната Фросина која беше прегазена на Партизанска.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
