Никој веќе нема да пие од хартиени сламки - Трамп ги сака пластичните

Претседателот Доналд Трамп потпиша извршна наредба со која сака да ги охрабри американската влада и потрошувачите да купуваат пластични сламки.

„Ги враќаме пластичните сламки“, им рече Трамп на новинарите во Белата куќа додека ја потпишуваше наредбата.

Претходникот на Трамп, демократот Џо Бајден, предложи еколошки мерки за намалување на потрошувачката на пластика за еднократна употреба, поставувајќи цел да се елиминираат пластичните прибори, вклучително и сламките, од владините служби и федералните агенции до 2035 година.

Но, Трамп сега ги забранува хартиените сламки, тврдејќи дека тие „не работат“ и се несигурни и повикува на враќање на пластичните алтернативи.