Црна Гора очекува да биде следната земја зачленета во НАТО и ЕУ

Црна Гора сигурно ќе биде следната нова членка на Европската унија и на НАТО, изјави денеска претседатлот на црногорскиот Парламент, Ранко Кривокапиќ.

Во разговор со група новинари од земјите-членки на ЕУ кои престојуваат во Подгорица во рамки на проектот „Да ја откриеме Црна Гора“, Кривокапиќ нагласи дека земјата не е оптоварена со датуми кога ќе стане членка на Унијата и НАТО, туку дека е посветена на остварување резулатати и зајакнување на владеењто на правото.  

Според него, доколку се направи споредба со периодот во 90-те години на минатиот век, ќе се види дека Црна Гора остварила змачаен напредок и ја зацврстила демократијата.

Кривокапиќ смета дека со приемот на Црна Гора во полноправно челнство, ЕУ ќе стане побогата за „пример на соживот на различностите“.

- Црна Гора е жив пример за тоа како може да постои хармонија во животот на различни религии и нации во овој дел на Европа. Со тоа нашата земја го збогатува вкупниот систем на вредности на модерна и граѓанска Европа, потенцира Кривокапиќ.

Според него, за НАТО и за ЕУ е особено важно да го заштитат целиот медитарански брег под „чадорот на Алијансата“ и затоа не смее да се дозволи Црна Гора да биде единствениот дел на брегот на Средоземното Море, од Португалија до Турција, што ќе остане надвор од таа заштита.