Почината жена однесена во болница во Струга, телото дадено на обдукција
Седумдесет и пет годишна жена од Гостивар со престој во Струга била однесена почината во Медицинскиот центар во Струга, информираа денеска СВР Охрид.
Според информацијата, вчера во 19 часот и 6 минути во полициската станица Струга било пријавено дека во Медицинскиот центар била однесена почината Д.И. (75) од Гостивар. Жената, како што е појаснето, престојувала во приватен сместувачки капацитет во Струга.
„Увид на местото извршила екипа од Полициската станица Струга, а смрт без траги на насилство констатирал лекар од Итна медицинска помош. По наредба на јавен обвинител, телото на починатата било дадено на обдукција“, стои во соопштението на СВР Охрид.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
