Шест деца се убиени во масакрот во училиштето во Србија: „Ми ги уби двајцата другари, лежев врз нив“ – сведочи ученик

Четиринаесетгодишниот ученик Коста Кечмановиќ, кој упадна во училиштето „Владислав Рибникар“ во Врачар, Белград, убил најмалку шест лица, а неколкумина се повредени.

Пукањето се случило околу осум часот кога Коста К. влегол во училиштето и почнал по случаен избор да пука во соучениците со оружје на својот татко.

Пред училишната зграда има видно вознемирени деца, но и нивните родители.

„Ми ги уби двајцата другари, легнав врз нив да помисли дека сум мртов“, вели ученик за пукањето во училиштето во Врачар.

Загинаа најмалку шест деца, а неколкумина се повредени.

Три деца се хоспитализирани на Детската универзитетска клиника, две се стабилни, а едно дете е во критична состојба.

Според неофицијални информации, повеќе од десет ранети деца се пренесени на Ургентниот центар.

Првиот ранет бил чуварот, кој набргу по пукањето починал.