Во Хрватска и денеска силно невреме
Силно невреме со ветрови со ураганска јачина од над 140 километри на час и денеска го зафати хрватскиот дел на Јадранот, па многу патишта се затворени за сите возила, вклучувајќи го и патот Загреб-Сплит-Плоче.
Силниот ветер го зголемува субјективното чувство на студ, па во Завижан на пример измерената температура е речиси минус 11, а поради ветерот се создава впечаток дека е под минус 22 степени.
Во Лика провејува слаб снег, па возачите се повикуваат да возат внимателно.
Во невремето што вчера ја зафати Хрватска уништена е една стара куќа, гранки и камења ги блокираа патиштата, а ветерот предизвика сообраќајна несреќа во која камион падна во бездна при што загина возачот.
Возачот на камионот загинал при пад во бездна, на делница од патот Карлобаг-Сењ кај исклучувањето за Призна, кој се случил синоќа за време на забрана за сообраќај за сите категории возила поради ураганскиот ветер, соопшти полицијата на жупанијата Лика-Сењ
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
