Во Словенија се претресуваат куќи на полицајци, имале лажни ковид- потврди

Словенечката генерална полициска управа потврдила за Н1 дека во неколку словенечки места биле претресени куќите на полицајците кои наводно имале лажни потврди за ДСП (болест, вакцинација, тестирање).

Толеранцијата кон вработените кои ќе сторат кривично дело е нулта, нагласува генералниот директор на полицијата Антон Олај. Еден полицаец, кој минатата недела бил фатен со лажен сертификат за ДСП, веќе останал без работа.

„Полицијата денеска му понуди помош на специјалното одделение на специјализираното државно обвинителство при претреси на куќи во различни делови на Словенија.“

Специјално одделение на специјализираното државно обвинителство ги истражувало кривичните дела на полициските службеници.

Засега не се знае кај колку полицајци денеска се извршени претреси за наводни лажни потврди за ДСП, ниту дали денешните претреси се продолжение на претресите од минатата недела, кога полициски службеници уапсија двајца фармацевти (од Ленарт и Птуј) кои издавале разни лажни потврди, вклучително и ковид-потврди, и со тоа заработиле приближно еден милион евра.

Потоа, полицајците откриле и еден нивен колега, кој исто така купил лажен сертификат за ДСП и го отпуштиле, објави Н1.