40.000 граѓани излегоа на протести против Јанез Јанша
Масовен протест се одржа вечерва во Љубљана против премиерот Јанез Јанша. На протестот имаше силно полициско обезбедување кое ги предупреди демонстрантите дека ќе интервенира при евентуални инциденти.
Според проценките на словенечките медиуми, вечерва околу 18 часот на плоштадот „Прешерн” се собраа повеќе од 40.000 лица и досега не се забележани инциденти.
Покрај синдикатите, студентите, еколошките и невладините организации, на митингот учествуваат неколку пратеници од двете опозициски партии, а на протестот се бара оставка од владата и распишување нови парламентарни избори.
Претходно, денеска, владеачката коалиција на словенечкиот премиер Јанша доживеа нов неуспех во обидот да го смени претседателот на парламентот, Игор Зорчиќ, кој ја напушти коалициска Партија на демократскиот центар (СМК) и формираше свој независен парламентарен клуб поради несогласувања со владата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
