Фон дер Лајен не може да слета во Сараево поради магла
Маглата на аеродромот во Сараево го одложи најавеното пристигнување на претседателката на Европската комисија, Урсула фон дер Лајен, во нејзината посета на Босна и Херцеговина.
Ова го потврдија за сараевскиот портал „Кликс“ од сараевскиот аеродром.
Пристигнувањето на Фон дер Лајен беше најавено за во 9 часа, а според последните информации нејзиниот авион се уште не полетал од Тирана.
Сите претходно закажани средби на Фон дер Лајен со членовите на Претседателството на Босна и Херцеговина, претседателот на Советот на министри и дневната обиколка на автопатот Коридор 5Ц Тарчин – Иван беа одложени за еден час.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
