Три лица загинаа во поплавите во Бугарија, нема информација за македонски туристи

Во поплавите кои ја зафатија Бугарија загинаа три лица.  Две жени загинале додека возеле по патот Созопол Бургас и во нив удрил голем бран. Од водата не можел да се спаси и загина и овчар.

Десетици се евакуирани, а во 70 населени места се одвиваат акции за спасување во кои учествуваат и хеликоптери од министерството за одбрана.

Поплавени се и туристичките центри Приморско, Китен и Созопол, но засега нема информации дали во моментот таму престојуваат туристи од Македонија.

Најпогодени се Бургас, Стара Загора и Хасково.

Утрешниот ден  е прогласен за ден на жалост во Бургас.