Продолжува изборната кампања: ВМРО-ДПМНЕ во Ѓорче Петров и Куманово - СДСМ во Центар и Карпош
Партиите, коалициите и независните кандидати и денеска на митинзи и средби со граѓани во повеќе градови и населени места, ги претставуваат изборните програми за локалните избори закажани за 15 октомври годинава.
Коалицијата „Живот во Македонија“ предводена од СДСМ ќе одржи средба со граѓани во Сарај, како и митинзи во Центар и Карпош.
Средби со жители на Брвеница, Теарце и Јегуновце ќе има коалицијата „За подобра Македонија“ предводена од ВМРО-ДПМНЕ, која што ќе одржи и митинзи во Ѓорче Петров и Куманово.
Демократската унија за интеграција, пак, ќе се претстави на митинзи во Желино и Јегуновце, додека „Беса“ организира собир со граѓани во Брвеница.
Кампањата за првиот изборен круг почна на 25 септември, а ќе заврши на 13 октомври во 24 часот.
Шестите локални избори во Македонија се закажани за 15 октомври, а ќе се спроведуваат на 3.480 избирачки места во 80 општини и во Градот Скопје. Право на глас ќе имаат 1.814.644 граѓани запишани во Избирачкиот список.
Вториот круг од изборите е закажан две недели подоцна, на 29 октомври. Изборната кампања за вториот круг завршува на 27 октомври во 24 часот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
