Нови цени на горивата на бензинските низ земјава

Од полноќ се намали цената на бензините од денар до денар и пол, а цената на дизелот и Екстра лесното масло за домаќинство останува непроменета.

Според одлуката која Регулаторната комисија за енрегетика ја донесе вчера, ЕУРОСУПЕР БС-98 се продава по пониска цена за 1,50 денари, а ЕУРОСУПЕР БС – 95 за еден денар. Така, новата цена на ЕУРОСУПЕР БС-98 е 68,50 ден/литар, а на ЕУРОСУПЕР БС-95  66,50 ден/литар.

Се намалува и цената на мазутот за 0,740 ден/кг во однос на претходно утврдената цена, односно отсега мазутот се продава по цена од 32,954 ден/кг.

Новите пониски цени на бензините се должат на намалувањето на цената на бензините на светскиот пазар во изминатиот седумдневен период. 

Следниот понеделник не чека нова промена.