Каракачанов поднесе оставка од лидерската позиција во партијата
Лидерот на бугарската партија ВМРО, Красимир Каракачанов, денеска поднесе оставка, информираат бугарските медиуми.
Според информациите, одлуката е донесена поради слабите изборни резултати на партијата. Во оставка е целото партиско раководство, а за избор на ново ќе биде свикан конгрес.
Неколку часа пред да поднесе оставка, еден од замениците на Каракачанов, Атанас Стојанов, кој е и градоначалник на Сандански, е уапсен поради купување гласови. Нему му е одреден притвор од 24 часа.
Каракачанов е долгогодишен лидер на ВМРО. Во последниот мандат беше вицепремиер и министер за одбрана во бугарската влада.
На изборите во Бугарја, кои се одржаа викендов, партијата ВМРО не успеа да влезе во парламентот по самостојниот настап на изборите.
МАКФАКС
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
