Почина Ксенија Вучиќ, првата сопруга на српскиот претседател
Вечерва ненадејно во Белград почина Ксенија Вучиќ, позната новинарка и прва сопруга на претседателот на Србија, Александар Вучиќ.
Ксенија Вучиќ работеше како новинар повеќе од 30 години.
Кариерата ја започна во ТВ Студио Б, а во последните години водеше популарни емисии на ТВ Пинк.
Информацијата на својот официјален профил на Инстаграм ја потврди и претседателот на Србија, Александар Вучиќ.
„Вечерва во Белград ненадејно почина Ксенија Вучиќ, на 56-годишна возраст, мајка на нашите две деца Данило и Милица, и моја прва сопруга“, напиша претседателот на Србија под фотографијата објавена на Инстаграм.
Вучиќ напиша дека семејството и пријателите дополнително ќе бидат информирани за местото и датумот на погребот, пренесе Б92.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
