Четворица киднапирани турски туристи пронајдени во куќа во близина на Сараево

Четворица турски државјани се ослободени откако неколку дена биле врзани во куќа во местото Кованиќи кај Топчиќ Поље, пишува сараевскиот портал „Кликс“.

Од МВР на Зеничко-добојскиот кантон за порталот посочиле дека се прибираат податоци за овој случај и дека повеќе информации ќе се знаат во текот на денот.

Туристите наводно биле затворани и чувани во куќата како затвореници, а сето тоа го правел човек кој наводно и бил од претходно познат на полицијата.

По неколку дена, еден од туристите успеал да се ослободи и да побара помош од мештаните во Кованиќи, кои потоа повикале полиција и ги ослободиле другите туристи.

Тие сега се под заштита на полициски службеници.