Пронајдени и двајцата пилоти од урнатиот МиГ во Хрватска – се катапултирале

Двајцата пилоти од соборениот борбен авион МиГ 21 со две седишта на хрватското воздухопловство се пронајдени живи, јавува хрватски Индекс.

При неговиот пад пилотите успешно се катапултирале и слетале, извести попладнево Министерството за одбрана.

Пилотите се во стабилна состојба, надвор од животна опасност и ќе бидат пренесени во болница на лекарски преглед.

Тие успешно се катапултираа од двоседниот авион МиГ-21, кој се урна за време на планираната обука во близина на Слатина, и слетаа. Два хеликоптери на хрватското воздухопловство Ми-171, припадници на полкот на воената полиција и едно беспилотно летало веднаш биле испратени на местото на несреќата заради потрага и спасување.

Ангажирани се и оперативните сили на системот за цивилна заштита: интервентни единици за државна цивилна заштита, пожарникари, Хрватската планинска спасувачка служба, а на терен се испратени и полицајци и ловџии. Министерството за одбрана навремено ќе ја информира јавноста за деталите.