Русија се заканува со одмазда по нападот на аеродромот во Таганрог

Русија дефинитивно ќе одговори на ракетниот напад АТАКМС на аеродромот во Таганрог, изјави денеска Дмитриј Песков, портпарол на рускиот претседател Владимир Путин.

„Би сакал да потсетам на апсолутно недвосмислената и директна изјава на Министерството за одбрана на Руската Федерација од вчера, во која јасно беше наведено дека ќе следи одговор“, рече Песков, пренесе ТАСС.

Тој нагласи дека „одговорот ќе дојде во време и на начин што и одговара“ на Русија.