„Децата биле брутално убиени со голи раце“: Израел го обвини Хамас за убиство на двете киднапирани момчиња

Ариел и Кфир Бибас, две израелски момчиња киднапирани од Хамас за време на терористички напад на 7 октомври 2023 година, беа „брутално убиени со голи раце“, изјави денеска портпаролот на ИДФ, контраадмирал Даниел Хагари, отфрлајќи ги тврдењата на Хамас дека семејството било убиено во израелски воздушен напад.

Во телевизиска изјава, Хагари нагласи дека двете млади момчиња, кои имале 4 години и 10 месеци во моментот на нивната смрт, не биле фатално повредени во бомбардирањето, туку биле убиени на особено брутален начин од нивните киднапери, кои потоа ги осакатувале нивните тела за да го прикријат злосторството. „Екстремистите извршија грозоморно злосторство, третирајќи ги немоќните како што правеше ИСИС“, рече тој.

Хагари истакна дека форензичките докази, заедно со разузнавачките извештаи, ја потврдуваат нивната судбина. ИДФ ги сподели овие разузнавачки информации со меѓународните партнери, додаде тој.

Тој, исто така, откри дека разговарал со таткото на момчињата, Јарден Бибас, кој и самиот беше киднапиран за време на нападот на Хамас на 7-ми октомври, но беше ослободен претходно овој месец како дел од тековниот договор за киднапирањата.

„Јарден сака целиот свет да знае за бруталниот начин на кој биле убиени неговите деца“, рече Хагари.

Освен тоа, Хагари бараат враќање на телото на нивната мајка, Шири Бибас, која требало да биде вратена во Израел со посмртните останки на нејзините деца. Наместо тоа, Хамас го предаде телото на неидентификувана жена од Газа, што ИДФ го осуди како сериозно кршење на договорот.

Хагари понатаму откри дека Одед Лифшиц, 83-годишник чии останки биле вратени со децата Бибас, бил егзекутиран од неговите киднапери во првите недели од војната.