Дивеел на патот: 22-годишник летал со 96 км на час во населено место

Вчера во 16.25 часот, полициски службеници од Полициската станица за безбедност на патниот сообраќај при СВР Куманово го лишиле од слобода Л.И.(22) од село Липково.

При контрола на патниот сообраќај било констатирано дека управувал патничко возило „бмв“ со брзина од 96 километри на час во населено место каде што дозволената брзина е 40 километри на час.

По целосно документирање на случајот, против него ќе биде поднесена кривична пријава по член  297А од Кривичниот законик - „безобѕирно управување со моторно возило“.