Нови Сад: Со нож си го убил братучедот па си ги пресекол вените

Доцна синоќа, безживотно тело на 42-годишен маж е пронајдено во бар во улицата Милева Мариќ во Нови Сад.

Околу 22 часот, на повик на полицијата, дежурните лекари од новосадска амбуланта излегле на терен, но тие можеле да ја констатираат само смртта на човекот, а според првите претпоставки, неговото безживотно тело било во тој бар неколку дена.

Според неофицијални информации, 42-годишникот бил прободен со нож, а полицијата се сомнева дека негов братучед го убил на 3 јуни. Убиецот по злосторството со својот автомобил се возел до викенд-населбата Камењар, која се наоѓа во близина на Дунав во Нови Сад, и таму си го одзел животот пред три дена, пресекувајќи ги вените.