Провеката на антитела е залудно трошење пари - еве како да знаете дали сте за трета доза

Мерењето на бројот на антитела по вакцинацијата е бесцелно, а нашиот имунитет треба да го испитаме на друг начин ако сакаме да знаеме дали ни треба дополнителен „буст“ со трета доза, објаснува професорката Лилјана Гојковиќ Букарица во утринска програма им се обрати на граѓаните на Србија кои веќе имаат можност за трета доза, а некои од нив „оделе според чувството“ кога се пријавувале, пишува Мондо.

Според професорката по клиничка фармакологија на Медицинскиот факултет во Белград, антителата не се никакво мерило за јачината на имунитетот, а многу појасен показател може да биде трајноста на самата вакцина – на пример, кај Фајзер и Синофарм, таа докажано истекува после шест месеци и потребна ќе ни е трета доза. Трета доза ќе биде редовно потребна и кај постарите лица, објаснува таа.

Професорката, која претходно детално објасни сè за зајакнувањето на имунитетот и земањето на додатоци, рече дека таа не ги мери своите антитела, ниту планира да го стори тоа, а потоа прецизираше зошто.

– Бев вакцинирана и никогаш не проверував дали има антитела, тоа е половина од информациите, нема суштинска смисла да се проверувате дали имате антитела. По вакцинацијата се создаваат пет типа на имунолошки одговор, а ние имаме способност да измериме само еден тип. Што се однесува до кинеската вакцина, можеме да измериме два вида на антитела, но тоа не е доволно. Нема научен одговор на прашањето колку антитела се доволни за да не спречиме инфекција – рече таа.

Професорката подвлече дека овие информации нема да ви бидат од помош без другите информации, што сигурно не можеме да ги добиеме доколку немаме пристап до лабораторијата и многу детални анализи, кои не се прават секој ден.

– Тие нема да ви дадат голема помош, ниту високото ниво на самите антитела не значи ништо, бидејќи немаме пристап до вториот дел од имунолошкиот систем. Немате начин да знаете дали имунолошкиот систем „се сеќава каде треба да се движи како реакција“. Не можете заради бројот на антитела да ја донесете одлуката дали да ја земете третата доза. Науката досега покажа дека за Фајзер и Синофарм имунолошкиот одговор слабее по шест месеци, особено кај оние над 65 години – рече таа.

 Тоа не е нешто што се одлучува врз основа на интуиција или чувство, воопшто не. Постои и индивидуален фактор, вашиот имунолошки систем, како ќе реагира. Не треба да експериментирате или да мерите антитела.

Сепак, професорката Букарица вели дека кај постарите луѓе фер е да се очекува дека ќе им биде потребна редовна трета доза.

– Ревакцинација со третата може да се очекува особено кај постарите лица – рече таа.