Први фотографии од хаосот во Љубљана: Луѓето бегале во паника кога одекнале истрелите
Повредените се итно пренесени во болница, а полицијата го блокирала целото подрачје.
Три лица биле повредени во пукање кое денес се случило во трговскиот центар БТЦ во Љубљана. Пукањето се случило нешто пред 14 часот, а според неофицијални информации испукани се околу 10 куршуми.
Очевидците велат дека посетителите во трговскиот центар почнале да бегаат кога одекнале истрелите. Од полицијата, како што пренесува порталот "24ur.com", е потврдено дека три лица се ранети, но според првите информации не се во животна опасност.
Според непотврдените информации, две машки лица се застрелани, додека едно лице се здобило со повреди на главата, нанесени со тап предмет.
Повредените биле итно пренесени во болница, а полицијата го блокирала целото подрачје.
На самото место има повеќе патроли на полицијата и неколку возила на Итната помош.
"Видов само еден човек, мислам дека беше застрелан во препоната. Се обиде да стане и само падна. Пожарникарот кој беше во близина му помогна да легне на подот", рекол еден од очевидците.
Засега не е познато кој пукал, а од полицијата соопштиле дека интервенцијата се уште трае.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
