Судот на БиХ распиша потерница по Милорад Додик

Судот на Босна и Херцеговина издаде налог за апсење на претседателот на Република Српска (РС) Милорад Додик, премиерот на РС Радован Вишковиќ и претседателот на Народното собрание на РС Ненад Стевандиќ поради сомнение за напад на уставниот поредок на Босна и Херцеговина.

Оваа информација за Кликс.ба ја потврдија од Судот на Босна и Херцеговина.

Според таа одлука, Додик, Вишковиќ и Стевандиќ ќе бидат приведени најмалку еден месец откако ќе бидат донесени на распит.

Оваа одлука е донесена откако осомничените не одговориле на закажаните рочишта во Обвинителството на БиХ. Според законските процедури, доколку осомничените не се јават на првата покана, Обвинителството може да им издаде наредба за притвор. Доколку и после тоа избегнуваат да се појават, може да се распише потерница во рамките на Босна и Херцеговина, а во краен случај да се распише меѓународна потерница.

Овие активности на Обвинителството на БиХ следеа по усвојувањето на законите во Народното собрание на РС кои го поткопуваат уставниот поредок на државата, вклучително и обидите за ограничување на надлежностите на државните институции на територијата на Република Српска.