Вечерва не излегувајте без чадор: Ќе има невреме

Променливо облачно и нестабилно со локален пороен дожд, грмежи и со засилен ветер ќе биде времето денеска.

Наместа процесите ќе бидат поинтензивни во форма на невреме со пообилен пороен дожд, грмежи, силен ветер и со изолирана појава на град.

Во Скопје, времето денеска ќе биде променливо облачно. Попладне во делови од котлината ќе биде нестабилно со пороен дожд, грмежи, засилен ветер и со услови за краткотрајно невреме со изолирана појава на град.

Температурата ќе се задржи висока за овој период од годината, со максимални 29 степени.